DIRIJYORLIQTA QOL HÁREKETLERINIŃ DURIS ATQARILIWI HÁM OLARDI RAWAJLANDIRIW

Abstract

Bul maqalada Qaraqalpaqstanda dirijyorlıq kórkem óneri
mektebiniń qáliplesiwi hám usı taraw wákilleriniń jetilisip shıǵıwı haqqında sóz
boladı. Jáne de dúnya júzi hám ózbek dirijyorları menen salıstırmalaw, olardıń
taktikalıq hám ámeliy bilimlerinen paydalanıwǵa háreket etildi. Dirijyorlıq (frans.
diriger - báǵdarlaw, basqarıw, basshılıq etiw) - muzıka atqarıwshılıǵı kórkem
óneriniń quramalı túri, muzıka shıǵarmasın atqarıwǵa tayarlaw procesinde hám
tikkeley tıńlawshı-tamashagóylar aldında atqarıwshılar (orkestr, xor, ansambl, opera,
balet toparları h.t.b.)ǵa basshılıq etiw. Ádette bir (geyde, eki) dirijyor tárepinen
ámelge asırıladı. Dirijyorlıq toparlıq muzıka atqarılıwınıń uyǵınlıǵı, kórkem hám
texnikalıq jetiliskenligin támiyinleydi.